Digwyddiadau sydd wedi bod

James Ferguson-Rose - Trac Sengl, Lle Pasio

14 Mai 2025: 7pm
Mae James Ferguson-Rose (g. 1989, Swydd Efrog, DU) yn artist sy’n byw ac yn gweithio yn Llundain, ar ôl cwblhau MA mewn Peintio yn y Coleg Celf Brenhinol yn 2023.

Cedwir ei waith mewn casgliadau preifat yn rhyngwladol, ac mae wedi’i arddangos ar draws y DU – gan gynnwys y Laing Gallery (Newcastle), Cedric Bardawil (Llundain), OHSH, Projects Concastle (London) a Newbridge Projects The Newbridge. Mae paentiadau James yn gweithio gyda’r dirwedd trwy gerdded, darlunio, ysgrifennu a chofio, gan fyfyrio ar y berthynas rhwng teithiau a lleoedd.

Mae’r sgwrs hon yn rhan o gyfres breswyl yr Hafod, mewn cydweithrediad â Noelle Griffiths. Mae'r sgyrsiau hyn am ddim i'w mynychu, ac nid oes angen archebu lle. Saesneg yw iaith y sgwrs hon.

Gwefan: jamesfergusonrose.co.uk
Instagram: @jamesfergusonrose

Noson Meic Agored

2 Mai 2025: 7pm
Mae croeso i unrhyw un ddod ac unrhyw ddarn o waith i'w berfformio yn y noson hon, sydd wedi ei threfnu fel rhan o'n prosiect 'Peintio gyda Geiriau' gyda chefnogaeth Llenyddiaeth Cymru. Mae croeso mawr i bobl fu'n rhan o'r gweithdai barddoniaeth ecffrastig i ddod i rhannu cynnyrch y gweithdai, sy'n ymateb yn benodol i'r arddangosfa agored ar y thema 'gofod', ond os oes gynnoch chi gân neu gerdd neu sgets neu fonolog neu berfformiad o unrhyw fath yr hoffech chi ei rhannu o flaen cynulleidfa caredig a chefnogol, dewch ac ô. Does dim rhaid i chi fod yn ymateb i'r thema 'gofod' ond os hoffech chi greu rhywbeth yn unswydd, byddai hynny'n fendigedig. Mae croeso i chi gyflwyno eich cyfansoddiad yn unrhyw iaith. Mae hefyd croeso i chi ddod i wylio a chefnogi heb berfformio, wrth gwrs.

Bydd diodydd meddal a gwin ar gael ar y noson, pris tocyn yw £7

Rose Shuckburgh - Paentio Ysbryd a Mater y Byd Naturiol

16 Ebrill 2025: 7 pm
Arlunydd wedi'i leoli yn Llundain yw Rose Shuckburgh (g. 1997). Astudiodd Peintio MFA yn Ysgol Celfyddyd Gain y Slade, gan raddio yn 2024. Mae ei gwaith yn cofnodi bywiogrwydd y byd naturiol, gan adlewyrchu ei phrofiad ei hun o fyd natur fel rhywbeth gweithredol, llawn ysbryd. Roedd tyfu i fyny mewn mannau gwyllt – yn fwyaf nodedig tirwedd garw, gwyrddlas canolbarth Cymru wledig – wedi rhoi dealltwriaeth iddi o’r byd naturiol nid fel rhywbeth ar wahân, ond fel rhywbeth sy’n cydblethu â’i bywyd ei hun. Mae hi'n cydblethu’r themâu hyn gyda sensitifrwydd tuag at ddeunyddiau, gyda diddordeb yn y berthynas rhwng mater a'r ansylweddol.

Mae’r sgwrs hon yn rhan o gyfres breswyl yr Hafod, mewn cydweithrediad â Noelle Griffiths. Mae'r sgyrsiau hyn am ddim i'w mynychu, ac nid oes angen archebu lle. Saesneg yw iaith y sgwrs hon.

Instagram: @roseshuckburgh

Prosiect Peintio Gyda Geiriau
Gweithdy Barddoniaeth Ecffrastig gyda Silvia Rose

9 Ebrill 2025: 6pm
Bydd y bardd Silvia Rose yn arwain y gweithdy yma yn ymateb i weithiau celf yn ein arddangosfa agored ar y thema 'Gofod'. Mae'r arddangosfa yn llawn gwaith celf gan dros saith deg o artistiaid, felly mae digon o amrywiaeth i sbarduno eich ymateb creadigol. Bydd Silvia Rose yn eich tywys trwy'r broses o lunio ymateb mewn geiriau i rai o'r gweithiau hyn. Nid oes angen unrhyw brofiad blaenorol o ysgrifennu barddoniaeth, dim ond parodrwydd i arbrofi a mwynhau gwneud cysylltiadau rhwng y celf gweledol a'r gelfyddyd geiriol.

Mae'r gweithdy yma yn rhan o'n prosiect 'Peintio gyda Geiriau' o dan nawdd Llenyddiaeth Cymru. Rydym yn gweithredu polisi 'talu fel y gallwch chi' ar ddigwyddiadau fel hyn, i sicrhau bod ein profiadau yn fforddiadwy i bawb. Gallwch ddewis talu £8.50, £10.50 neu £12.50 am y gweithdy hwn.

Saesneg fydd iaith y gweithdy hwn.

Bydd cyfle i rhannu eich gwaith, ac i glywed cerddi ac ymatebion pobl eraill yn ystod y noson meic agored ar yr 2il o Fai.

Prosiect Peintio Gyda Geiriau
Gweithdy Barddoniaeth Ecffrastig gyda Sian Northey

2 Ebrill 2025: 6pm
Bydd y bardd a'r llenor Sian Northey yn arwain y gweithdy yma yn ymateb i weithiau celf yn ein arddangosfa agored ar y thema 'Gofod'. Mae'r arddangosfa yn llawn gwaith celf gan dros saith deg o artistiaid, felly mae digon o amrywiaeth i sbarduno eich ymateb creadigol. Bydd Sian Northey yn eich tywys trwy'r broses o lunio ymateb mewn geiriau i rai o'r gweithiau hyn. Nid oes angen unrhyw brofiad blaenorol o ysgrifennu barddoniaeth, dim ond parodrwydd i arbrofi a mwynhau gwneud cysylltiadau rhwng y celf gweledol a'r gelfyddyd geiriol.

Mae'r gweithdy yma yn rhan o'n prosiect 'Peintio gyda Geiriau' o dan nawdd Llenyddiaeth Cymru. Rydym yn gweithredu polisi 'talu fel y gallwch chi' ar ddigwyddiadau fel hyn, i sicrhau bod ein profiadau yn fforddiadwy i bawb. Gallwch ddewis talu £8.50, £10.50 neu £12.50 am y gweithdy hwn.

Cymraeg fydd iaith y gweithdy hwn.

Bydd cyfle i rhannu eich gwaith, ac i glywed cerddi ac ymatebion pobl eraill yn ystod y noson meic agored ar yr 2il o Fai.

Octavia Madden - Within the Wild

19 Mawrth 2025: 7pm
Artist ar ddechrau ei gyrfa yw Octavia Madden sy'n canolbwyntio'n ddwfn ar themâu amgylcheddol. Wedi’i lleoli yn Nwyrain Dyfnaint, graddiodd gyda Gradd Dosbarth Cyntaf mewn Celfyddyd Gain o Ysgol Gelf Prifysgol Aberystwyth yn 2023. Datblygodd ei hymarfer ymhellach trwy astudio yn y Royal Drawing School yn Llundain ar y Tymor Arlunio Dwys.

Mae ‘Within the Wild’ yn sgwrs sy’n archwilio’r profiad o gerdded a thynnu llun cennau a mwsoglau – elfennau hanfodol y dirwedd naturiol sy’n cael eu hanwybyddu’n aml. Mae Octavia yn amlygu harddwch a gwytnwch y manylion naturiol bach ond arwyddocaol hyn, gan annog cysylltiad agosach â natur.

Mae’r sgwrs hon yn rhan o gyfres breswyl yr Hafod, mewn cydweithrediad â Noelle Griffiths. Mae'r sgyrsiau hyn am ddim i'w mynychu, ac nid oes angen archebu lle. Saesneg yw iaith y sgwrs hon.

Gwefan: www.octaviamadden.com
Instagram: @octaviahm

Deiseb Heddwch Menywod Cymru: Plwyf Llanfrothen

16 Mawrth 2025: 10:30
Dewch i droedio ar hyd rhan o drywydd y Ddeiseb ym mhentref Garreg a chlywed mwy am stori'r Ddeiseb hyd yn hyn. Oddi yno, byddwn yn cerdded efo'n gilydd i Blas Brondanw am baned a sgwrs.

Ydi'ch neiniau neu ferched eraill yn eich teulu chi wedi arwyddo? Neu beth am y fenyw oedd yn byw yn eich ty chi yn 1923?

Bydd y digwyddiad yma trwy gyfrwng y gymraeg. Nid oes angen archebu ymlaen llaw, dim ond ymuno â ni ar y diwrnod.

Ar 5 Ebrill 2023 cafodd Deiseb Heddwch Menywod Cymru, a arwyddwyd gan bron i 400,000 o fenywod gan mlynedd yn ôl, ei dychwelyd i Gymru, er mwyn nodi canmlwyddiant yr ymdrech gwrth-ryfel Gymreig a arweinwyd gan fenywod.

Chwiliwch yma: www.llyfrgell.cymru/deisebheddwch

Darlunio o Fywyd

Dyddiadau 2025: 7 Chwefror, 7 Mawrth
Amser: 6-8pm

Bydd model, easels a drawing boards yn cael eu darparu, ond bydd angen i chi ddod a papur a deunyddiau darlunio eich hun. Ni fydd tiwtor yn bresennol ar gyfer y sesiynau hyn, mae’n gyfle i chi ymarfer eich sgiliau darlunio a chefnogi eich gilydd fel artistiaid.

Sgwrs Troseddeg Radical
gyda Tegwen Haf Parry ac Lowri Cunnington
5 Mawrth 2025: 7pm

Fe’ch gwahoddir i noson yn archwilio maes troseddeg radical yng nghwmni dwy academydd lleol sy’n arbenigo yn y maes, sef Tegwen Haf Parry a Dr Lowri Cunnington, y ddwy o Brifysgol Cymru.

Bydd Tegwen Haf Parry yn cyflwyno egwyddorion sylfaenol Troseddeg Farcsaidd. Bydd y sesiwn hon yn olrhain ei esblygiad o'i wreiddiau yn y 19eg ganrif hyd heddiw, gan amlygu ei berthnasedd parhaus i ddeall materion cymdeithasol cyfoes. Peidiwch â cholli’r cyfle hwn i gael mewnwelediadau gwerthfawr i sut mae meddylfryd Marcsaidd yn parhau i lunio theori ac ymarfer troseddegol ym myd cyfiawnder cymdeithasol.

Bydd Lowri Cunnington yn archwilio Troseddeg Werdd fel Troseddeg Radical a sut y gellir cymhwyso’r persbectif beirniadol hwn i ddadansoddi croestoriad niwed amgylcheddol a thynged ieithoedd lleiafrifol, fel y Gymraeg, mewn cyfnod o ddwysáu ecolegol. Mae'r un grymoedd sy'n gyrru argyfyngau ecolegol, megis twf economaidd, hefyd yn peryglu ieithoedd a diwylliannau lleiafrifol ledled y byd. O ddadleoli a yrrir gan hinsawdd i effeithiau diwylliannol diwydiannu, o safbwynt Troseddeg Werdd, bydd y sgwrs hon yn archwilio sut y gall yr argyfwng hinsawdd fygwth treftadaeth ieithyddol a beth mae hyn yn ei olygu i gyfiawnder byd-eang.

Bydd y sgwrs yn cael ei chyflwyno trwy gyfrwng y Saesneg

Bob Owen Croesor
Sgwrs Saesneg gan Len Jones

12 Chwefror 2025: 7pm

Roedd Bob Owen yn gymeriad dihafal Cymreig yn yr 20fed ganrif, a gyflawnodd lawer iawn er ei ddechreuadau gwladaidd. Ni chafodd addysg uwch ffurfiol, wedi gadael yr ysgol yn dair ar ddeg oed, ond daeth yn gasglwr llyfrau heb ei ail. Adnabyddid ef fel achyddwr gorau ei genhedlaeth, gan arbenigo ar hanes teulu Cymreig a hanes gwladfawyr Cymreig yn America. Yn ddarlithydd poblogaidd a difyr iawn, teithiodd ymhell ac agos i draddodi sgyrsiau i gynulleidfaoedd llawn dop. Yr oedd hefyd yn llenor aruthrol, gyda chyfraniadau i lawer o bapurau newydd a chylchgronau. Enillodd ei draethodau wobrau yn yr Eisteddfod Genedlaethol, ac y mae ei lythyrau yn chwedlonol am eu ffraethineb. Derbyniodd radd M.A. anrhydedd o Brifysgol Cymru (yr ieuengaf erioed yn 47 oed) ac yn ddiweddarach yr O.B.E. am ei gyfraniad i hanes a llenyddiaeth Cymru. Yn bersonoliaeth liwgar a thanllyd, daeth yn gymeriad chwedlonol yn ei oes ei hun.

Magwyd Len Jones yng Nghroesor, ac mae wedi datblygu diddordeb arbennig yn Bob Owen ers iddo ymddeol o yrfa ym myd addysg. Mae wedi traddodi’r sgwrs hon yn Gymraeg ddwywaith ym Mhlas Brondanw, a nifer o weithiau mewn lleoliadau eraill, cymaint yw’r diddordeb yn etifeddiaeth Bob Owen. Cytunodd i gyfieithu'r sgwrs i'r Saesneg er budd y gymuned ddi-Gymraeg.

Cwrs Hanes Cynnar Cymru 410-900 CE (Cyfnod Cyffredin) Gyda James Berry

Dechrau: Dydd Iau 16eg o Ionawr am 6 wythnos
Amser: 10 am – 12pm

Cyfres o 6 sesiwn achrededig dwy awr o hyd a fydd yn edrych ar hanes Cymru o'r adeg gwagu Prydain gan y Rhufeiniaid yn 410 CE hyd at ddechrau Oes y Tywysogion tua 900 CE.

1: Cymru yn 410 CE. - 2: Chwedl a myth - pwy oedd Arthur?.
3: Y Tiroedd Coll. - 4:Y Teyrnasoedd.
5: Y Gymdeithas Gymraeg. - 6: Y Mawr a'r Da.

Cwrs: Tir a Thafod gyda James Berry

Dechrau: 16eg o Ionawr 2025 am 6 wythnos
Amser: 1-3pm

Mae hwn yn gwrs sydd wedi'i gynllinio i gyflwyno bobl i Dirwedd Cymru drwy astudio'r iaith a ddefnyddir i'w ddisgrifio.

Mae hwn yn gwrs addas a'r gyfer siaradwyr a dysgwyr Cymraeg felly fydd yn cael ei gyflwyno yn ddwyieithog. Bydd lefel y ddarpariaeth ddwyieithog honno yn dibynnu ar sgiliau iaith y dysgwyr

Gweithdy Monolog
gyda Aled Jones Williams

11 Rhagfyr 2024

Noson o greu monolog hefo Aled Jones Williams. Awdur monologau fel Sundance, Y Dyn Gwyn, Pridd, Pryd Fuo Kathleen Ferrier Farw.

Cwrs gwneud torch Nadolig: Gyda Catherine Thompson
Cwrs Blasu Addysg Oedolion Cymru

23 Tachwedd 2024
Cyfle i wneud torch drws i'r Nadolig.

Ymunwch gyda ni am sesiwn Nadoligaidd i greu torch hardd gellir ei hongian gyda balchder ar eich drws blaen!

Bydd y cwrs yn rhoi'r wybodaeth sydd ei hangen arnoch i greu torch drws hyfryd gwyllt a naturiol.

Cwrs Hanes Cymru gyda James Berry

Dyddiadau: Cychwyn 8fed Hydref - am 6 wythnos, yn gorffen 19ed Tachwedd (dim sesiwn 29ed Hydref).

Cyfres o chwe sesiwn dwy awr a fydd yn edrych ar fywydau chwe chymeriad o Hanes Cymru. Nod y cwrs yw nid yn unig edrych ar yr effaith a gafodd pob bywyd ar hanes Cymru ond hefyd y Gymru lle cafodd pob bywyd ei fyw.

Edrychwn ar y cymeriadau canlynol
Owain Gwynedd
Edward y 1af
Glyndŵr
Catrin o Ferain
Yr Esgob William Morgan
Ann Griffiths

Sgwrs gan Dr Bleddyn Huws
Carneddog yn ei gynefin

6 Tachwedd 2024
Aeth bron i 80 mlynedd heibio ers i Garneddog a’i wraig Catrin ymadael â’u hen gartref yn Eryri ar derfyn yr Ail Ryfel Byd a symud i fyw at eu mab yng nghanolbarth Lloegr. Daliodd lens camera Geoff Charles, ffotograffydd Y Cymro, dristwch y mudo hwnnw.

Dyma gyfle i wybod mwy am gefndir yr hanes ac i ystyried arwyddocâd cyfraniad yr hen Garn i fywyd ei fro a’i genedl.

Gwrando yn astud
Gerddi Plas Brondanw

27 Hydref 2024: 10am - 4pm

Prosiect gwrando newydd gan Siri Wigdel (dawns) gyda’r cydweithredwyr Mei Tomos (sain), Ellie Davies (cerddoriaeth a symud) ac Eirian Muse (gwehydd helyg a gwneuthurwr crefftau). Wedi'i wneud yn bosibl gyda chyllid gan Gronfa Sbarduno Gwynedd.

Lawnsiad

’ti’n gweld yn glir¿’

25 Hydref 2024: 7pm

Dewch i glywed albwm cyntaf skylrk. yn cael ei berfformio yn fyw am y tro cyntaf gyda cefnogaeth gan

Tai Haf Heb Drigolyn a barddoniaeth i agor y noson.

Cyfle i brofi, clywed ac archwilio byd 'ti’n gweld yn glir¿'

Gweithdy Argraffu gyda Ann Lewis
Gerddi a Blodau mewn Lino
24 Medi 2024
Bydd Ann Lewis PRCA yn mynd â chi gam wrth gam o’ch brasluniau neu ffotograffau o Ardd Plas Brondanw neu flodau o fewn yr ardd i doriad leino un lliw gorffenedig, gan ddefnyddio ei gwaith ei hun i egluro ac arddangos y broses o dorri leino.

Gallwch ddehongli’r pwnc yn ei ystyr ehangaf – mae golygfa o fewn Gardd Plas Brondanw, patrwm/dyluniad o flodau, delwedd realistig/botanegol, blodyn neu sawl blodyn mewn fâs yn rhai syniadau y gallech fod am eu hystyried.

Yn ystod hanner cyntaf y dydd, byddwch yn dysgu sut i 'leihau' eich braslun neu ffotograff yn ddelwedd un lliw syml, ond effeithiol, yna byddwch yn trosglwyddo'ch llun i'ch bloc leino cyn dysgu sut i ddefnyddio'ch offer torlunio leino yn ddiogel. Treulir ail ran y diwrnod yn torri eich bloc, yna yn prawf-argraffu eich delwedd, cyn argraffu argraffiad bach o brintiau gwreiddiol.

Sgwrs gyda Steph Renshaw

08 Medi 2024
Fe’ch gwahoddir i glywed yr artist yn siarad am ‘ymsuddo’ – arddangosfa a grëwyd yn arbennig ar gyfer Oriel Brondanw, a ysbrydolwyd yn rhannol gan waith tanddwr Susan Williams-Ellis, a gwerthfawrogiad dwfn o amrywiaeth a harddwch bywyd o dan y dwr.

Seran Dolma, Curadur Profiadau Oriel Brondanw a hen ffrind i’r artist fydd yn arwain y drafodaeth, gan drafod cefndir, ysbrydoliaeth a thechnegau gwneud print yr artist.

Mae hwn yn ddigwyddiad rhad ac am ddim, nid oes angen archebu lle, ond croesewir rhoddion

Gwefan

Gweithdy Argraffu Sychbwynt gyda Steph Renshaw

14 Awst 2024
Dewch i archwilio’r broses argraffu sychbwynt. Mae'r broses yn debyg i ysgythru ond heb unrhyw brosesau cemegol. Mae'n broses sy'n dibynnu ar harddwch y marciau ac mae'n creu canlyniadau atmosfferig rhyfeddol. Fe wnewch chi rhyfeddu at y canlyniadau y medrwch eu cyflawni.

Bydd y tiwtor Steph Renshaw yn eich arwain trwy'r broses o wneud y plât argraffu, ei incio a'i argraffu gan ddefnyddio gwasg. Byddwch yn gallu mynd â sawl print adref gyda chi erbyn diwedd y gweithdy.

Nid oes angen profiad, mae croeso mawr i bob gallu! Mae'r gweithdy hwn ar gyfer oedolion.

Gwefan

Gweithdy Argraffu Collagraph gyda Steph Renshaw

14 Awst 2024
Mae'r dechneg gwneud printiau hon yn ymwneud â lliw a gwead. Nid oes angen sgiliau lluniadu i wneud printiau hyfryd. Mae'r broses hon yn creu canlyniadau uniongyrchol, llachar, lliwgar. Bydd gennych chi gasgliad hyfryd o brintiau i fynd adref gyda chi erbyn diwedd y gweithdy.

Does dim angen profiad blaenorol, dewch i gael chwarae! Mae hon yn broses argraffu wirioneddol arbrofol a bydd y tiwtor Steph Renshaw yn eich arwain trwy bob cam ac yn dangos ffyrdd i chi archwilio gwahanol dechnegau incio.

Bydd gennych chi gasgliad hyfryd o brintiau i fynd adref gyda chi erbyn diwedd y gweithdy.

Gwefan

Sgwrs Artist gyda Flora McLachlan
'Just Follow the Breadcrumbs Through the Dark Forest'

17 Gorffennaf 2024
Gwneuthurwr printiau yw Flora, mae ei delweddau yn tarddu o'i synnwyr o elfennau chwedlonol ac archeteip yn y tirwedd, fel y'u ceir yn y traddodiad adrodd straeon. Mae hi wedi’i swyno gan sut mae’r storiau yr ydym yn darllen yn ein plentyndod yn effeithio ar ein cysylltiad emosiynol â’r tirwedd yr ydym yn ei brofi.

“Rwy’n mwynhau gweithio gydag olion annisgwyl, i freuddwydio fy nelweddau i fodolaeth. Trwy byrth alcemegol ysgythriad neu lithograff, gallaf fynd i mewn i wahanol fydoedd hudolus a gwneud fy ngwaith yn yr awyrgylch stori tylwyth teg hynny.”

Teulu Brondanw A’u Cymdogion
Sgwrs gan Nia Powell

10 Gorffennaf 2024
Sgwrs gan Nia Powell, darlithydd mewn hanes Cymru, ar deulu Brondanw a theuluoedd lleol eraill Llanfrothen a’r cyffiniau cyn canol y bedwaredd ganrif ar bymtheg. Bydd y sgwrs hon trwy gyfrwng y Gymraeg.

Y mae ardal Llanfrothen mewn lleoliad pur nodedig rhwng glan ddwyreiniol y Traeth Mawr ac aber afon Glaslyn, neu Afon y Ferlas fel y gelwid hi ers talwm, a mynyddoedd gogledd Ardudwy sy’n codi tua’r Cnicht a’r Moelwyn. Yma, yn cystadlu am safle cymdeithasol ac economaidd mwyaf blaenllaw, yr oedd nifer o deuluoedd a ddatblygodd ystadau tiriog a magu cyfoeth. Bwriad y sgwrs hon fydd olrhain dau o’r teuluoedd hynny a’r berthynas, neu’r gystadleuaeth, rhyngddynt. Un oedd teulu Anwyliaid y Parc, o hen gyff y Gesail Gyfarch, a’r llall oedd teulu Williams Brondanw yn ei wahanol ganghennau – teulu Williams-Ellis a Jones Ynysfor. Mae aelodau o’r teuluoedd hyn yn dal i fyw yn y fro hyd heddiw gan arddel diwylliant Cymreig a’r iaith Gymraeg – enghraifft drawiadol o oroesi a pharhâu dros ganrifoedd. Olrhain gwreiddiai’r teuluoedd hyn fydd fy nhasg i.

Taith Dywys Pantomeim
Tu ôl i'r Mwgwd

07 Gorffennaf 2024
Taith dywys o amgylch arddangosfa Wanda a David Garner ‘Pantomeim: Tu ôl i’r Mwgwd’ yng nghwmni’r artistiaid. Bydd y digwyddiad hwn trwy gyfrwng y Saesneg.

Sgwrs Artist gyda Penny Hallas
'Gweld Trwy’r Tirwedd'

19 Mehefin 2024
"Byddwn yn disgrifio fy hun fel artist rhyng-gyfryngol. Er bod lluniadu wrth galon fy ymarfer, rwy'n defnyddio elfennau fideo, taflunio, ffotograffiaeth, sain, peintio a cherflunio, yn aml ar ffurf gwrthrychau wedi eu casglu. Rwy'n cymryd rhan yn rheolaidd mewn gweithgareddau cydweithredol, fel perfformiadau gyda beirdd, dawnswyr, cerddorion ac artistiaid eraill - mewn gofodau celf ac yn y tirwedd.

Beth bynnag yw'r cyfrwng, mae fy ngwaith yn cylchdroi o gwmpas diddordeb yn y cyflwr mewnol o fodoli: yn fyw i ysgogiadau siawns, ffantasi ac emosiwn, mae'n chwilio am gyfatebiaeth rhwng y byd materol a chorneli cudd yr ysbryd.

Mae’r sgwrs hon yn rhan o gyfres breswyl yr Hafod, mewn cydweithrediad â Noelle Griffiths. Mae'r sgyrsiau hyn am ddim i'w mynychu, ac nid oes angen archebu lle. Saesneg yw iaith y sgwrs hon.

Bydd Penny Hallas hefyd yn cynnig gweithdy 'Gweld trwy Dirwedd: gwneud myriorama' ar 30 Mehefin am 3-5pm yn Oriel Caffi Croesor.

Gweithdy Darlunio Perfformiad Byw gyda Circo Arts gyda Wanda Garner

8 Mehefin 2024
Ymunwch â’r artist Wanda Garner am brynhawn deinamig o ddarlunio cyrff yn symud!

Bydd perfformwyr o syrcas gymunedol Circo Arts yn modelu ar gyfer y gweithdy hwn, gan berfformio dilyniant o symudiadau wedi’u coreograffu’n arbennig fel y gellir dal ac ailadrodd yr ystum sawl gwaith, wrth i chi geisio eu darlunio. Er ei fod yn dasg heriol, mae’r math hwn o ymarfer yn llawer o hwyl a gall arwain at luniau mynegiannol hyfryd (neu os ddim, mae’n arfer da iawn beth bynnag!) Mae’r gweithdy hwn yn debygol o apelio at bobl sydd â pheth profiad o luniadu o fywyd, ond mae croeso mawr i unrhyw un sydd awydd rhoi cynnig arni. Bydd Wanda, sy'n athrawes brofiadol, yn rhoi awgrymiadau ac yn eich annog i roi cynnig ar ddulliau newydd. Dewch â'ch llyfrau braslunio eich hun a phensiliau/graffit/ siarcol a byddwch yn barod i gael hwyl!

Gweithdy Darlunio ym Mhortmeirion gyda Ruth Koffer

6 Mehefin 2024
Gadewch i'r storïwraig gweledol, Ruth Koffer, eich cefnogi i ddarlunio yn yr awyr iach o gwmpas Portmeirion. Bydd Ruth yn cynnig ymarferion ac awgrymiadau ar gyfer codi hyder a gweithio gyda'ch beirniad mewnol. Bydd y ffocws ar ddatblygu rhyddid mynegiant dros gywirdeb lluniadau. Mae’r gweithdy yn addas ar gyfer pob gallu artistig a phob grwp oedran. Mae croeso i blant a phobl ifanc yn eu harddegau os yng nghwmni oedolyn. Bydd Ruth Koffer yn arddangos ei gwaith sydd wedi ysbrydoli gan Portmeirion gyda ni yn Brondanw yn mis Hydref. Gallwch weld mwy am ei gwaith a’i thechnegau dysgu yma: https://ruthkoffer.com

Mr Pollock yn dod i'r Plas
Noson Darlithio a Pherfformiad Theatr Tegan

1 Mehefin 2024
Mae’n bleser gennym eich gwahodd i fwynhau noson yng nghwmni Alan Powers a David Powell o Pollocks Toy Museum yn Llundain. Rydym wedi eu gwahodd i Blas Brondanw i gyd-fynd ag arddangosfa Wanda a David Garner, sydd ar thema pantomeim, perfformiad a hunaniaeth.

Bydd y noson yn agor gyda dwy ddarlith, ‘Secrets of the Victorian Pantomime’ gan David Powell, a ‘Toy Theatre Revived: from Diaghilev to Dirk Bogarde and beyond’ gan Alan Powers. Dilynir hyn gan egwyl fer ar gyfer lluniaeth, a bydd ail hanner y noson yn cynnwys perfformiad theatr tegan o Jack the Giant Killer (fersiwn gyflawn) a gyhoeddwyd gan J. K. Green yn 1854 ac a ailgyhoeddir gan Benjamin Pollock, yn seiliedig ar fersiwn wreiddiol cynhyrchiad yn y Theatr Olympaidd Frenhinol, 1843.

Bydd David ac Alan hefyd yn arwain gweithdy i blant yn gwneud theatrau tegan ar yr un diwrnod a byddant yn cynnig fersiwn gryno o Jack the Giant Killer am 12:00 yn y prynhawn i deuluoedd â phlant.

Gweithdy Teulu
Animeiddio Stop-Motion gyda Lucy Donald

30 Mai 2024:
Yn y gweithdy hwn byddwch yn gwneud eich creadur môr/pyped anghenfil llawn dychymyg eich hun, wedi'i ysbrydoli gan ddarluniau tanddwr Susan Williams Ellis. Yna byddwch yn dod a’ch anghenfil môr yn fyw mewn animeiddiad byr, gan defnyddio eich ffôn.

Bydd straeon yn datblygu wrth i gymeriadau symud ar draws y sgrîn a chyfarfod eu gilydd, a phan fydd effeithiau sain yn cael eu hychwanegu.

Mae’r gweithdy hwn yn addas ar gyfer plant o bob oed a’u rhieni neu warcheidwaid, ond bydd angen mwy o help a chefnogaeth ar blant iau gyda rhai agweddau o’r gweithdy. Bydd angen ffôn clyfar ar bob teulu i weithio arno, lawrlwythwch yr ap “Stop motion studio” am ddim cyn dod i'r gweithdy.

Gallwch weld enghraifft o animeiddiad mae Lucy Donald wedi ei greu gyda’r techneg yma yn fan hyn: https://m.youtube.com/watch?v=ajmXI9Jg6TA

Sgwrs Artist gyda Lucy Donald
'Torluniau pren wedi'u hysbrydoli gan Mokuhanga yn seiliedig ar Grochenwaith Cymreig gyda mymryn o Ddiwylliant Pop Cymreig'
Mae’r sgwrs hon yn rhan o gyfres breswyl yr Hafod, mewn cydweithrediad â Noelle Griffiths.

29 Mai 2024
"Rwy'n beintiwr, gwneuthurwr printiau, cerflunydd ac athro. Rwy'n Gydlynydd Addysg llawrydd yn Oriel Elysium a hefyd yn gweithio gyda lleoliadau eraill yn Abertawe i ddarparu gweithdai celf ar gyfer pob oed a gallu.

Rwyf wedi defnyddio crochenwaith Cambrian, Llanelli a Nantgarw fel man cychwyn ar gyfer cyfres o luniau dyfrlliw a thorluniau pren. Mae'r gwaith hwn yn archwilio’r ffasiwn am Chinoiserie a’r arferiad o feddianu delweddau o ddiwylliannau eraill i greu tiroedd ffantasïol ar nwyddau domestig.

Yn ystod fy nghyfnod preswyl yn Stiwdio Hafod rwy'n bwriadu gwneud gwaith yn seiliedig ar grochenwaith Portmeirion".

Sgwrs Artist gyda Chris Bird-Jones
'Through Glass'

Mae’r sgwrs hon yn rhan o gyfres breswyl yr Hafod, mewn cydweithrediad â Noelle Griffiths. Mae'r sgyrsiau hyn yn rhad ac am ddim i'w mynychu, ac nid oes angen archebu lle. Saesneg yw iaith y sgwrs hon.

15 Mai 2024
“Rwy’n rhyfeddu at y ffordd y mae golau yn chwarae gyda’n canfyddiad o bopeth rydyn ni’n ei weld a byrhoedledd yr eiliadau hyn.

Mae gwaith diweddar yn canolbwyntio ar ffurfiau amrywiol siap llwy, ein ymateb iddo a'n perthynas ag ef. Gan weithio gyda rhinweddau rhyfeddol golau a chysgod plygedig, rwy'n mwynhau symud - yn enwedig golau cylchol naturiol, llachar neu gynnil yn gwibio ar draws arwyneb. Gwydr yw fy nghyfrwng o ddewis"

Noson o Farddoniaeth Ecffrastig

2 Mai 2024
Bydd ein beirdd preswyl, Suzanne Iuppa ac Aled Jones Williams yn darllen o'r gwaith maent wedi ei greu yn ystod eu cyfnod yma gyda'r arddangosfa agored, a bydd cyfle i bobl sydd wedi mynychu'r gweithdai (neu pobl sydd wedi ysgrifennu cerddi am y gwaith o'u pen a'u pastwn eu hunain) hefyd ddarllen eu gwaith os hoffent.

Gweithdy Breuddwydio Cymdeithasol gyda Phil Luffman

30 Ebrill 2024
Bydd Phil Luffman, un o’r artistiaid sy’n arddangos yn yr Arddangosfa Agored yma yn Plas Brondanw, ac sy’n gyfrifol am y ddau osodiad ‘crys wedi’u stwffio’, yn hwyluso grŵp Breuddwydio Cymdeithasol yn ystod yr arddangosfa. Mae'n aelod o grŵp Breuddwydio Cymdeithasol sydd wedi'i hen sefydlu lle gall ‘free association’ hybu meddwl dychmygus a gweithredu creadigol. Rhoddir esboniad o'r broses ar ddechrau'r gweithdy. (Gweler y dyfyniad isod. Sylwer mai trwy gyfrwng y Saesneg fydd y drafodaeth hon)

Gweithdy Barddoniaeth gydag Aled Jones Willams

23 Ebrill 2024
Mae Aled Jones-Williams yn un o’n beirdd preswyl ni ar gyfer yr Arddangosfa Agored ar thema Trawsffurfiad. Mae Aled yn llenor blaenllaw ac yn ddramodydd adnabyddus, a enillodd coron eisteddfod Tyddewi yn 2002, ond nid yw’n fardd confensiynol. Mae ganddo gyfoeth o brofiad o arwain gweithdai ysgrifennu creadigol, ac mae’n bleser mawr iawn i ni fod yn gweithio gydag o ar y prosiect cyffroes yma. Bydd Aled yn arwain y gweithdy yma yn ymateb i weithiau celf yn yr arddangosfa, gan osod nifer o dasgau i'ch anog i lunio eich ymatebion barddonol eich hunain i weithiau celf yn yr oriel. Mae croeso i feirdd profiadol yn ogystal a dechreuwyr llwyr. Bydd y gwetihdy yma trwy gyfrwng y Gymraeg.

Sgwrs Artist gydag Andrew Hladky
'Delwedd fel Organeb'

17 Ebrill 2024
“Rwy’n artist Prydeinig/Americanaidd a cefais fy magu yn Lloegr, cyn symud i UDA yn 2015. Mae fy ngwaith wedi’i rwymo’n ddwfn â syniadau am hiraeth, a sut y gall cysylltiad hiraethus â’r tirwedd gyfrannu at y ffyrdd yr ydym yn gweld ein hunain.

Rwy'n gwneud paentiadau cerfluniol gan ddefnyddio paent olew a ffyn bambw wedi'u hogi. Mae'r ffurfiau cerfluniol sy'n deillio o hyn yn tyfu i fod yn arwyneb anwastad iawn, yn amrywio o'r panel noeth i 10” neu fwy o ddyfnder. Maen nhw'n debyg i goed wedi'u llosgi neu drigfannau adfeiliedig, neu lluniadau bywyd pryfed neu anifeiliaid, fel gweoedd, nythod a thyllau."

Mae’r sgwrs hon yn rhan o gyfres breswyl yr Hafod, mewn cydweithrediad â Noelle Griffiths. Mae'r sgyrsiau hyn yn rhad ac am ddim i'w mynychu, ac nid oes angen archebu lle. Bydd y sgwrs hon yn cael ei cyflwyno trwy gyfrwng y saesneg.

Bydd Andrew Hladky hefyd yn cynnig Gweithdy - 'Paentiadau Cerfluniol/Cerfluniau Paent' ar 21 Ebrill 3-5pm yn Oriel Caffi Croesor.

Gweithdy Barddoniaeth gyda Suzanne Iuppa

09 Ebrill 2024
Mae Suzanne Iuppa yn un o’n beirdd preswyl ar gyfer yr Arddangosfa Agored ar y thema Trawsffurfiad.

Mae hi’n fardd a chadwraethwr sy’n byw yn Nyffryn Dyfi, a bydd y cerddi y bydd hi’n eu hysgrifennu gyda ni y gwanwyn hwn yn ymddangos yn ei chasgliad llawn cyntaf o farddoniaeth.

Mae gan Suzanne dros ddeng mlynedd o brofiad o ddysgu ysgrifennu creadigol mewn lleoliadau cymunedol, a bydd y sesiwn hon yr un mor bleserus os ydych eisoes yn ysgrifennu neu os nad ydych wedi rhoi cynnig ar farddoniaeth o’r blaen. Bydd amrywiaeth o awgrymiadau, amser i'w dreulio gyda'r celf, a chyfle i rannu eich gwaith mewn amgylchedd meddylgar.

Noson Ffilm a Barddoniaeth gyda Jennifer Leach
'Life Cycles, Time and Acceptance'
27 Mawrth 2024
Bydd Jennifer yn dangos ei ffilm ddiweddar 'The River' ac yn rhannu ei barddoniaeth a'i hysgrifau. Bydd y noson yn cloi gyda rhannu barddoniaeth, felly dewch â’ch gwaith gyda chi. Bydd cerddi byrrach yn caniatáu mwy o gyfraniadau. Mae Jennifer Leach yn gweithio trwy gyfrwng y Saesneg, ond mae croeso i chi rhannu cerddi mewn unrhyw iaith.

The River yw ffilm ganolog ffilm 3 sgrin 30 munud; stori bywyd a ysgrifennwyd ar gyfer fy ffrind annwyl Anne Latto, storïwraig ac actor. Gan ddefnyddio’r trosiad oesol o fywyd fel afon, mae’n adlewyrchiad o hen wraig yn edrych yn ôl ar ei bywyd, wrth iddi droi i wynebu’r gorwel mawr. Mae hi'n dilyn llif yr atgofion, o'r ffynhonnell i'r môr. Amseroedd da, amseroedd caled, amseroedd i'w cofio, amseroedd i anghofio... mae'r ffilm yn deyrnged i fywyd, cyfeillgarwch, ysbryd a chof.

Mae’r digwyddiad hwn yn rhan o gyfres preswyl Hafod, mewn cydweithrediad â Noelle Griffiths.

Sgwrs Artist gyda Jennifer Leach 'Yr Afon - celf a bywyd'
20 Mawrth 2024
Artist Gweledol, bardd, awdur, storïwr, gwneuthurwr ffilmiau, gwneuthurwr newidiadau a Chyfarwyddwr Outrider Anthems yw Jennifer Leach.

Gweledigaeth Outrider Anthems yw ymgysylltu’n emosiynol â chymunedau trwy stori a chreadigrwydd trwy drafodaethau am ein perthynas â’r Ddaear, y Bydysawd, cymdeithas a ni’n hunain. Rydym yn awyddus i ddyfeisio straeon newydd sy'n creu her a chydbwysedd.

Mae’r sgwrs hon yn rhan o gyfres breswyl yr Hafod, mewn cydweithrediad â Noelle Griffiths. Mae'r sgyrsiau hyn am ddim i'w mynychu, ac nid oes angen archebu lle. Saesneg yw iaith y digwyddiad hwn.

Sesiynau Darlunio o Fywyd gyda Jane Muir
23/01/2024 - 12/02/2024 - 11/03/2024

Rydym yn falch o gynnig tri sesiwn bywluniadu trwy’r dydd, ar y cyd gydag Addysg Oedolion Cymru (AOC). Mae’r cyrsiau hyn yn cael eu hariannu gan AOC, ond rydym yn codi £20 y sesiwn i gyflogi’r model, bydd hyn i’w dalu ar ddiwrnod y sesiwn.

Tony Russell – Sgwrs
Gerddi Clough Williams-Ellis (Plas Brondanw a Portmeirion)
28 Chwefror 2024

Bydd y darlledwr ac awdur ‘The Great Gardens of Wales’ Tony Russell yn cyflwyno sgwrs gyda lluniau, ar erddi Clough Williams-Ellis yma ym Mhlas Brondanw ac ym Mhortmeirion. Roedd Clough yn fwyaf adnabyddus fel pensaer, ond roedd ganddo hefyd ddiddordeb mawr mewn materion yn ymwneud â thirwedd a chynllunio. Roedd gerddi’n ganolog i’w syniadau ynglyn â’r berthynas rhwng adeiladau a’u safle, a’r berthynas rhwng y safle a’r tirwedd ehangach. Mae llawer yn ystyried gerddi Brondanw ymhlith ei waith gorau.

Cwrs Cyflwyniad i Farddoniaeth Gymraeg gyda Rhys Jones
Chwe sesiwn, yn cychwyn 30 Ionawr 2024

Cyflwyniad i farddoniaeth Gymraeg ydy'r cwrs yma.

Ei fwriad yw rhoi cipolwg ar amrywiaeth a chyfoeth y traddodiad barddonol Cymreig. Byddwn yn darllen cerddi Taliesin o'r chweched ganrif, hyd at T. Gwynn Jones ar ddechrau'r ugeinfed.

Canolbwyntir ar ddarllen un gerdd yn wythnosol, a bydd cyfle i ddatblygu dealltwriaeth o'r cyd-destun hanesyddol, cymdeithasol a llenyddol. Bydd cyfle hefyd i edrych ar grefft y beirdd a rhai o'r technegau llenyddol a ddefnyddir ganddynt. Yn ychwanegol, gyda chefnogaeth yn y dosbarth, byddwch yn meithrin y sgiliau i lunio ymateb personol i'r gweithiau hyn.

Mae'r gallu i siarad a darllen Cymraeg yn hanfodol.

Parti Plas
29 Rhagfyr 2023
Fe’ch gwahoddir i ddathlu’r gwyliau ym Mhlas Brondanw, gyda cherddoriaeth gan Twm Morys a Gwyneth Glyn, a chyfle i gymdeithasu a mwynhau cynhesrwydd y Plas ar ddiwedd blwyddyn. Rydym yn ddiolchgar iawn i Ymddiriedolaeth Clough Williams-Ellis am eu cyfraniad hael at gostau cynnal y parti, sydd am ddim i’w fynychu. Mae croeso i bawb, os ydych chi’n hen ffrind neu erioed wedi croesi’r trothwy o’r blaen.

Byddwn yn darparu rhywfaint o ddiodydd a lluniaeth ysgafn, ond os allech chi ddod a rhywbeth i’w rhannu, byddwn yn ddiolchgar iawn. Os hoffech chi ddod ac offeryn i jamio ar ôl i’r cerddorion swyddogol orffen eu set, byddai hynny’n hyfryd. Mae gyda ni biano yn y llyfrgell erbyn hyn, felly mae croeso i rywrai chwarae honno hefyd.

Yn Nhymor Brenin y Celyn
Gweithdy Tymhorol i Deuluoedd
2 Rhagfyr 2023

I gydfynd a'r digwyddiad storïo sy'n digwydd yn hwyrach ymlaen yn y prynhawn, dyma gyfle i wneud eich coron neu addurn bwrdd gaeafol eich hun, gyda deunyddiau naturiol a phlanhigion traddodiadol.

Bydd staff Plas Brondanw yn arwain y sesiwn hon, a bydd yr holl ddeunyddiau yn cael eu darparu.

Stori Tymhorol - Claire Mace
2 Rhagfyr 2023

Yng Nghyfnod Brenin y Celyn: ymunwch â’r storïwraig Claire Mace am straeon tymhorol o bob rhan o Gymru. Cewch glywed am y Fari Lwyd, Hela'r Dryw a Wasael Gwyr. Bydd y stori yn cael ei hadrodd trwy gyfrwng y Gymraeg, ac mae croeso mawr i deuluoedd dwyieithog ac i rhai sy'n dysgu'r iaith i fynychu.

Dr Bleddyn Huws
‘Dau fardd a dau gefnder, Wil Oerddwr a T. H. Parry-Williams’
8 Tachwedd 2023

Mae Dr Bleddyn Huws yn uwch ddarlithydd yn adran y Gymraeg ac Astudiaethau Celtaidd ym mhrifysgol Aberystwyth. Bydd yn cynnig golwg ar waith a pherthynas y ddau fardd enwog, yn cynnwys darganfyddiad newydd am soned y tybid oedd o law Parry-Williams, ond y gellid ei briodoli’n awr i Wil Oerddwr. Bydd y sgwrs hon trwy gyfrwng y Gymraeg.

Swper Cynhaeaf a Sgwrs am Gwm Croesor yng nghwmi
Christine Mills, Siw Thomas a Ken Brassil
28 Hydref 2023
Fel dathliad o’r arddangosfa ‘Y Grib a’r Gogor’ gan Siw Thomas a Christine Mills, fe hoffai’r artistiaid eich gwahodd chi i swper cynhaeaf. Bydd y swper yn cynnwys cawl sylweddol, cawsiau lleol a phwdin fydd yn cael ei weini ar lestri wedi eu creu gan Siw Thomas yn ystod ei chyfnod preswyl ym Mhlas Brondanw. Bydd yr archeolegydd Ken Brassil yn cyflwyno sgwrs am ddaeareg, hanes, pobl a diwylliant Cwm Croesor.

Barddoniaeth y Tywysogion
Beirdd y Tywysogion - Tiwtor: Rhys Jones

24 Hydref 2023
Mae Addysg Oedolion Cymru mewn partneriaeth a Plas Brondanw yn cynnig y cwrs hanner diwrnod hon yn rhad ac am ddim.

Cyflwyno beirdd y tywysogion yw bwriad y cwrs, a'r gobaith yw gwneud y cerddi'n hawdd i'w deall i gynulleidfa gyfoes.

‘Beirdd y Tywysogion’ yw'r enw cyffredinol a roddir ar y beirdd a fodolai yng Nghymru rhwng tua 1050 a 1300. Yr oeddynt yn rhan ganolog o fyd y tywysogion Cymreig, ac mae nifer dda o'r cerddi wedi'u cadw hyd heddiw. Yn ogystal â chael cyflwyniad i gefndir hanesyddol, cymdeithasol a llenyddol y beirdd, byddwch hefyd yn cael profiad o ddarllen gwaith rhai ohonnynt. Mae barddoniaeth y tywysogion yn rhoi cip olwg unigryw inni ar fywyd a meddwl y cyfnod, gan unigolion oedd yn llygaid dystion i'r blynyddoedd cyffrous hyn.

Hanes y Tywysogion
Tiwtor: James Berry

23 Hydref 2023
Cwrs byr 2 awr sy'n gobeithio datgelu pwy yn union oedd y Tywysogion. Cyfle i edrych arnynt yng ngoleuni ymchwil fodern. Mae'r cwrs yn gobeithio dangos yn hytrach na bod yn ynysig, eu bod yn rhan fawr o elit milwrol uchelwrol Ewrop gyfan, yn ceisio adeiladu teyrnasoedd ffiwdal cryf ar fodel Ewropeaidd.

Cyngerdd
Gwilym Morus ac Osian Rhys

13 Hydref 2023
Hoffwn eich gwahodd i noson o gerddoriaeth yn y llyfrgell yn Plas Brondanw, gyda Gwilym Morus ac Osian Rhys Bydd hon yn noson gartrefol gyda chynulleidfa bach.

Mae Gwilym Morus yn chwarae cerddoriaeth werinol, fodern yn defnyddio effeithiau digidol yn gymysg â llais a gitâr. Mae’n cael ei ddisgrifio yn ‘angerddol, breuddwydiol a gwreiddiol’. Mae Osian Rhys yn gerddor sy’n wreiddiol o Lanystumdwy, sy’n perfformio caneuon gwerinol dan enw ei hun, ac fel prif leisydd y band roc amgen, Gwaed.

Bydd yn perfformio amrywiaeth o ganeuon mewn ffordd gynil ar gitâr acwstig.

Sgwrs Artistiaid, Lansiad Arddangosfa a Te Parti
gyda Siw Thomas a Christine Mills

23 Medi 2023
Dewch i fwynhau te prynhawn yn Plas Brondanw yng nghwmni dwy artist sydd wedi bod yn creu gwaith yn y ty a’r gerddi dros yr haf. Bydd sesiwn cwestiwn ac ateb yn trafod y cyfnod preswyl a’r gwaith sydd wedi dod allan ohono gyda Sian Elen a Seran Dolma, a bydd te a chacen yn cael ei weini ar rhai o’r llestri mae Siw Thomas wedi eu creu. Bydd cyfle wedyn i edrych ar yr arddangosfa

Ysgol Haf Addysg Oedolion Cymru
21 Awst 2023
Celf - Hanes - Ysgrifennu creadigol

Sgwrs Artist
Manon Awst a Dr Sarah Pogoda

19 Awst 2023
Bydd sgwrs rhwng yr artist Manon Awst a’r academydd ac ymarferydd Avant Garde Dr Sarah Pogoda yn trafod y broses o greu gwaith i'r arddanosfa ‘Breuddwyd Gorsiog’ a'r syniadau sydd wedi datblygu yn sgîl y gwaith ymchwil ar gorsydd. Bydd y sgwrs hon yn ddwyieithog, Cymraeg a Saesneg, ac efallai rhywfaint o Almaeneg hefyd!

Gweithdai Plant Gydag Artistiaid Preswyl
Siw Thomas a Christine Mills
Crasu a ffeltio

13 Aust 2023
Cyfle i blant gael tro ar ffeltio gyda Christine Mills.

Bydd y darnau clai a wnaethpwyd yn y gweithdy ar y 4ydd hefyd yn cael eu crasu yn ystod y gweithdy yma, a byddent ar gael i fynd adref yr wythnos wedyn. Mae croeso i blant fynychu un neu’r ddau weithdy yma.

Gweithdai Plant Gydag Artistiaid Preswyl
Siw Thomas a Christine Mills
Clai

4 Awst 2023
Cyfle i’r plant gael tro ar wneud gwaith clai. Bydd y darnau yn cael eu crasu yn ystod y gweithdy dilynol ar y 13 Awst, ond does dim rhaid mynychu’r ddau weithdy.

Gweithdai Oedolion
Darlunio Golosg gyda Christine Mills

7 Gorffennaf 2023
Bydd y gweithdy hwn yn yr awyr agored os yw'r tywydd yn sych, ac yn y ty fel arall. Bydd yno amser am egwyl i gael paned, a chyfle i drafod y gwaith.

Nid oes angen profiad o waith celf er mwyn cymryd rhan. Darperir deunyddiau, ond mae croeso i chi ddod a phapur a golosg o soes gyda chi rhai.

Gweithdai Oedolion
Modelu o Fywyd mewn Clai gyda Siw Thomas

7 Gorffennaf 2023
Cyfle i arbrofi gyda darlunio’r ffurf ddynol mewn 3D, gan weithio o fodel byw. Bydd trafodaeth ar y dechrau am gerflunwaith ffigurol, dewch â delwedd o gerflun o ffurf ddynol i siarad amdano.

Nid oes angen profiad o waith celf er mwyn cymryd rhan. Darperir yr holl ddeunyddiau.

Gweithdy Cyflwyniad i Dechneg Alexander
gyda Pippa Bondy

3 Gorffennaf 2023
Mae’r Techneg Alexander yn cynnig cyfle i “ddad-ddysgu”. Mae’n ffordd cynnil o rhyddhau’r corff a’r meddwl o hen arferion ac agweddau a gwella eich lles cyfan. Mae’n eich dysgu sut i rheoli ac atal tensiwn, straen a phoen. Mae'r dechneg yn eich helpu i ailddarganfod ffordd fwy naturiol o symud, yn gwella ymwybyddiaeth ac yn annog teimlad newydd o egni a rhyddid. Fe'i defnyddir yn aml fel rhan o gyrsiau hyfforddiant yn y celfyddydau perfformio, ond mae'n fuddiol iawn i bawb.

Mae gan Pippa Bondy MSTAT, fwy na tri deg mlynedd o brofiad fel tiwtor Techneg Alexander. Am rhagor o wybodaeth - pipbondy.com

Sgwrs Johnathan Powell

Rhan o gyfres artistiaid preswyl Hafod

7 Mehefin 2023

‘Atgofion Tirwedd’

Sgwrs Olga Lamas

Rhan o gyfres artistiaid preswyl Hafod

17 Mai 2023

‘Natur / Diwylliant’

Sgwrs Carys Wilson

Rhan o gyfres artistiaid preswyl Hafod

5 Ebrill 2023

‘Cerdded a Meddwl, Meddwl a Cherdded’

Sgwrs Andrew Morrison

Rhan o gyfres artistiaid preswyl Hafod

15 Mawrth 2023
Testun fel llun – llyfrau arlunydd ac argraffiadau yn seiliedig ar eiriau.