Sgwrs Artist – Anwyl Cooper-Willis
Metel, Concrit, Cnawd

13 Awst 2026, drysau’n agor am 6:30, sgwrs am 7pm, diodydd ar gael.
Mynediad am ddim, does dim angen archebu.

Mae’r artist yn siarad am y deunyddiau, y dulliau a’r syniadau y tu ôl i’r gwaith yn yr arddangosfa gyfredol. Am ddatganiad gan yr artist a dyddiadau’r arddangosfa, gweler y dudalen arddangosfeydd.

Clwb Celf Ifanc Brondanw
Dydd Sadwrn cynta'r mis.
Amser : 10 - 11:30am

Pwrpas y clwb yw i rhoi cyfle i’r plant drio gwahanol ddeunyddiau, gweithio efo artistiaid profiadol a datblygu eu ymarfer celf eu hunain.

Rydym yn anelu'r clwb ar blant dros 6 oed, mae croeso mawr i rhai hŷn yn eu harddegau, mi wnawn ein gorau i addasu'r gweithgareddau i siwtio'r gynulleidfa.

Darganfod mwy

Gweithdy Gludwaith gyda Rosie Thorne

10 Hydref : 10am-3pm
Mwynhewch ddiwrnod ym Mhlas Brondanw gyda'r artist gludwaith Rosie Thorne , fydd yn eich tywys trwy'r broses bron yn blentynaidd o 'dorri a gludo' gyda rhywfaint o ddychymyg, antur ac amynedd.

Darperir deunyddiau, ond mae croeso i chi ddod ag unrhyw dudalennau lliwgar/gweadog o gylchgronau/papurau newydd a welwch ymlaen llaw.

Gall fod yn ddefnyddiol os oes gennych chi syniadau/brasluniau o olygfa yr hoffech chi ei chyflawni.

Bydd y digwyddiad hwn trwy gyfrwng y Saesneg. Mae wedi ei anelu at oedolion

Dewch â chinio, neu ewch i gaffi Plas Brondanw, a fydd ar agor tan ddiwedd mis Hydref.

Archebu

Dydd Mawrth 13 Hydref: 5-7pm

Dr Sarah Baylis
1926 a Hynny i Gyd: Portmeirion ac arbrofion eraill

Daeth Portmeirion i’r amlwg ar adeg pan oedd cymdeithas Prydain yn cael ei hail-lunio yn sgil y Rhyfel Byd Cyntaf. Roedd y rhain yn flynyddoedd arbrofol o newid cymdeithasol a diwylliannol cyflym. Sut oedd y wlad pan agorodd y Gwesty ei ddrysau gyntaf, a sut oedd Portmeirion yn adlewyrchu’r byd modern a newidiol ar ôl y rhyfel? Pwy oedd ei gwesteion cynnar a beth oedd eu profiad? Beth oedd gweledigaeth Clough ar gyfer Portmeirion a pha arbrofion diwylliannol eraill oedd yn digwydd ar yr adeg hon?

Mae Sarah Baylis yn awdur llawrydd, hanesydd cyhoeddus ac ymgynghorydd treftadaeth sy'n byw yng Ngogledd Cymru. Cyhoeddwyd ei llyfr 'Portmeirion: The Architecture of Pleasure' gan Wasg Prifysgol Yale yn 2026.

Archebu

Dydd Mawrth 20 Hydref: 5-7pm

Matthew Williams
‘Lletywr yr enwogion’; Michael Trevor-Williams, Rheolwr Bonheddig Portmeirion 1953-1980

Mae'r ddarlith hon yn archwilio cyfnod o newid mawr i Portmeirion, pan oedd poblorrwydd gwyliau dramor yn gwneud denu gwesteion ac ymwelwyr yn gynyddol anodd. Gwnaeth Michael gysylltiadau â chwmnïau ffilm ac enwogion y 60au a'r 70au, a chreu digwyddiadau newydd. Yn ogystal a hynny, sefydlodd enw da Portmeirion am fwyd cain sy'n parhau hyd heddiw.

Mae Matthew Williams FSA yn gefnder i Michael Trevor-Williams, ac etifeddodd ei atgofion a'i archif hynod ddiddorol am Portmeirion. Bu'n Guradur Castell Caerdydd am 30 mlynedd, ac mae wedi ymddeol yn ddiweddar fel darlithydd Cymdeithas y Celfyddydau.

Archebu

Dydd Mawrth 27 Hydref 5-7pm

Debbie Jewson
AA Milne ym Mhlas Brondanw; Winnie the Pooh yn 100

Roedd A. A. Milne yn gweithio i'r cylchgrawn dychanol Punch ym 1922, pan aeth ar wyliau i Blas Brondanw, cartre’r pensaer Clough Williams-Ellis. Roedd Milne yng nghwmni'r actor Nigel Playfair a sawl ffrind arall. Yn nodweddiadol ddigon, roedd hi'n bwrw glaw yn ddi-baid, ac roedd y gwesteion wedi'u cyfyngu i'r tŷ, pawb heblaw Milne, a giliodd i'r orendy i ddatblygu ei dalent newydd am farddoniaeth i blant.

Mae Debbie yn ehangu ar hanes tarddiad Winnie the Pooh, ac yn rhannu rhai uchafbwyntiau o'i chasgliad o lyfrau a theganau Pooh.

Roedd A. A. Milne yn gweithio i'r cylchgrawn dychanol Punch ym 1922, pan aeth ar wyliau i Blas Brondanw, cartre’r pensaer Clough Williams-Ellis. Roedd Milne yng nghwmni'r actor Nigel Playfair a sawl ffrind arall. Yn nodweddiadol ddigon, roedd hi'n bwrw glaw yn ddi-baid, ac roedd y gwesteion wedi'u cyfyngu i'r tŷ, pawb heblaw Milne, a giliodd i'r orendy i ddatblygu ei dalent newydd am farddoniaeth i blant. Mae Debbie yn ehangu ar hanes tarddiad Winnie the Pooh, ac yn rhannu rhai uchafbwyntiau o'i chasgliad o lyfrau a theganau Pooh.

Archebu

Dydd Mawrth 3 Tachwedd: 5-7pm

Wayne Colquhoun
Mor-ddyn Tyson Smith; Portmeirion, Lerwpl a Fi

Mae'r sgwrs hon yn rhoi persbectif ar y cysylltiad hir rhwng Portmeirion a Lerpwl trwy'r berthynas rhwng Clough Williams-Ellis a Herbert Tyson Smith.

Mae Wayne Colquhoun yn arbenigwr mewn adfer adeiladau hanesyddol a rhestredig. Mae'n arbenigo mewn Art Deco, Art Nouveau a'r Celfyddydau Cymwys ac mae ganddo wybodaeth gyffredinol hefyd gyda dros 35 mlynedd o brofiad. Yn 2015 daeth yn arbenigwr ar Antiques Roadshow y BBC.

Archebu

Dydd Mawrth 10 Tachwedd: 5-7pm

Elin Gruffydd
Hercules, yr arwr a gododd y to

Mae’r sgwrs yma wedi’i hysbrydoli gan ei lleoliad: Neuadd Ercwlff ym Mhortmeirion. Gan gymryd ysbrydoliaeth o’r nenfwd, sy’n darlunio gwahanol gyfnodau ym mywyd yr arwr Groegaidd, bydd Elin yn archwilio gwahanol agweddau o’r chwedl, o’i darddiad hyd at y Deuddeg Dasg enwog. Bydd y sgwrs yn ystyried themâu gwrywdod, disgwyliadau cymdeithasol a hunaniaeth, ac yn archwilio beth oedd ystyr bod yn arwr yng Ngroeg hynafol a thu hwnt.

Mae Elin Gruffydd yn ffotograffydd ffilm o Ben Llŷn sydd newydd gwblhau gradd BA ac MA mewn astudiaethau Clasurol drwy'r Brifysgol Agored. Ym mis Mai 2025, lansiodd ei llyfr cyntaf: Sweet Melancholy. An odyssey from Enlli to Hydra, trwy lanw, trai a chwedlau, a gyhoeddwyd gan Wasg Parthian.

Archebu

Dydd Mawrth 17 Tachwedd: 5-7pm

Meurig Jones
Atyniad Creadigol ac Enwogion Portmeirion

Ers y dechrau, mae Portmeirion wedi denu enwogion a phobl creadigol, oedd yn cael eu hysbrydoli gan gan weledigaeth a synnwyr digrifwch rhyfeddol Syr Clough. I lawer, roedd ei ethos “gweithio gyda natur” yn swynol, ac roedd ei sylw i fanylion yn ddiguro. Bydd y sgwrs yn trafod nifer o rolau Portmeirion mewn ffilm, teledu a cherddoriaeth. Bydd y straeon yn cynnwys Danger Man, The Prisoner, a'r Beatles.

Meurig Jones yw Rheolwr Lleoliadau Portmeirion ac mae wedi gweithio yn y Pentref ers 2004. Mae’r ffaith bod cymaint o arwyr Meurig wedi cael eu hysbrydoli gan weledigaeth Clough ac yna’r Prisoner, wedi ei ysbrydoli i gasglu eu straeon tra’u bod yn gweithio… yn gorffwys… neu’n chwarae.

Archebu