Arddangosfeydd

Rydym yn cynnal rhaglen newidiol o arddangosfeydd trwy gydol y flwyddyn. Rydym yn ceisio arddangos amrywiaeth eang o waith o’r cysyniadol i waith crefft a dylunio, ac rydym yn gweithio gydag artistiaid o bob cwr o’r byd. Rydym yn arddangos gweithiau ar bob math o themâu, ond mae gennym ddiddordeb arbennig mewn gwaith sy’n ymateb yn benodol i’r lleoliad a’i hanes ac i syniadau Clough ac Amabel Williams-Ellis a’u plant am am gelf, dylunio, pensaernïaeth, cymdeithas, gwleidyddiaeth, cynllunio, gwyddoniaeth, llenyddiaeth neu unrhyw fater arall a archwilwyd ganddynt yn eu gyrfaoedd hir ac amrywiol.

The whole section below the opening pagagraph, including the drop down sections:

Mae’r arddangosfa ‘Agored’ ac ‘Agored Ifanc’ yn croesawu ceisiadau gan unrhyw un, boed artist profiadol neu rhywun sy’n rhoi troed yn y dŵr am y tro cyntaf. Byddwn yn gosod thema ar gyfer y sioeau hyn fydd yn amrywio o un blwyddyn i’r llall, ond yn seiliedig ar ddarnau o’r archif, fydd yn cael eu arddangos gyferbyn a’r gweithiau cyfoes. O fewn y rhaglen Agored, rydym yn cynnig gwobr artist sy’n dod i’r amlwg a gwobr y bobl.

Am rhagor o wybodaeth am y gwobrau, a sut i gyflwyno gwaith ar gyfer yr arddangosfeydd agored, dilynwch y ddolen i’r tudalen ‘ceisiadau’, isod.

Cyfleoedd / Ceisiadau

Themâudarllen mwy

Rydym wedi penderfynu gosod thema pob blwyddyn o hyn ymlaen. Bydd eitemau o archif Susan Williams-Ellis yn cael eu curadu i gyd-fynd a’r thema ar gyfer y flwyddyn, a bydd hyn hefyd yn ysbrydoli’r thema ar gyfer yr arddangosfeydd Agored ac Agored Ifanc. Rydym yn gwahodd artistiaid sy’n gobeithio cael sioeau unigol neu grŵp i ystyried ymateb i’r thema, os ydyw’n eu hysbrydoli, er nad yw hynny’n ofynnol. Bydd digwyddiadau’n cael eu curadu i gydfynd a’r thema hefyd, ble mae hynny’n addas. Mae’r themâu yn fwriadol eang, a gellid eu dehongli mewn nifer o ffyrdd. Amlinellir y themâu ar gyfer y pum mlynedd nesaf isod:

2025: Gofod
2026: Anifail / Planhigyn / Mineral
2027: Aflonyddwch
2028: Y Môr

Arddangosfeydd i ddod

Bleeding Pear

John Thomson
Anifail + Llysieuyn = Mwyn

17 Hydref – 29 Tachwedd 2026
Arddangosfa sy'n casglu ynghyd gwaith dros ddeugain mlynedd o arfer yn y stiwdio, gan gynnwys delweddau o gydweithrediadau â dylunwyr, cerddorion a gwneuthurwyr ffilm. Mae'r darluniau a'r cerfluniau yn deillio o amrywiaeth o ddylanwadau, gan gynnwys planhigion ac anifeiliaid, ffasiwn a thecstilau, awyr y nos a ffuglen drosedd 'noir'.

Dur – wedi'i sgorio, ei ysgythru, ei forthwylio, ei weldio ac weithiau ei gyfuno â darnau o bren, serameg a charreg – yw fy mhrif ddeunydd. Rwy'n defnyddio amrywiaeth o offer a phrosesau, o laserau i forthwylion neu offer deintyddol a cadach emery mân. Mae fy nhechnegau yn debyg i rai panelwr ceir sy'n siapio ac yn plygu darnau unigol o fetel i greu strwythur.

I adleisio Manet a Hockney: 'Dyn ydw i sy'n hoffi darlunio.' Gall darlunio weithredu fel mecanwaith ymateb greddfol, fel dyddiadur, neu fel ffordd o greu bydoedd dychmygol.

Rwy'n gweithio o stiwdio ar fferm yn Hampshire, Lloegr – nid yw’n wynfyd gwledig, ond yn hytrach yn beiriant gwyrdd sy'n cysylltu’n uniongyrchol â chadwyn gyflenwi y diwydiant bwyd. Diwydiant mecanyddol, heb llawer o lafur dynol, wedi'i leoli ymhlith bryniau tonnog Parc Cenedlaethol mwyaf newydd Prydain; lleoliad sy'n gartref i wartheg cig eidion, seilos grawn a chymudwyr sy'n teithio yn ôl ac ymlaen, i gyd yn erbyn cefndir sy'n ymddangos yn wledig a heddychlon, yn llawn planhigion ac anifeiliaid.

Arweiniodd delweddau o gylchoedd twf a dadfeiliad planhigion – a gasglwyd wrth 'weithio' ar yr un darn o ardd am dros 50 mlynedd – at wahoddiad i ymgymryd â chyfnod preswyl yn Gardd Fotaneg Prifysgol Rhydychen yn 2004, gan weithio gyda'r casgliad hanesyddol o blanhigion ochr yn ochr â garddwyr a gwyddonwyr.